وطني ليبيا
اهلاً بالزائر الكريم يشرفنا ان تكون اخد اعضاء منتدانا لدعم الشعب العربي الليبي لمواجهة الاحتلال flag flag
كما نحب ان ننوه ان هنالك اقسام بالمنتدى لا يمكن رؤيتها الا للأعضاء المسجلين فقط




تجمع الليبيون الاحرار تحت قيادة ابومنيار
 
الرئيسيةس .و .جبحـثالتسجيلدخول
لقد كانت القوائم السوداء احدى اسلحة الجرذان التي استعملوها في تمردهم وقد ادت عملها في المجتمع بشكل كبير فالشخص الذي وجد اسمه في تلك القوائم اصابه الرعب هو وأسرته ومنهم من اضطر للهرب على الرغم من ان القليل ممن كانوا على تلك القوائم تم القبض عليهم ولكن بمجرد ان قبض عليهم او تم استهدافهم اعطوا هذه القوائم مصداقية ومفعول كبير في خلخلة الاسر الليبية المؤيدة . وأتمنى ان يتم تكوين هذه القوائم ونشرها على الملا لتصل الى علم الجرذان والخونة انفسهم وسوف نحصد منها نتائج كبيرة ان شاء الله
نأمل من الاخوة الاعضاء التأكيد قدر المستطاع على مصداقية مصدر الاخبار حتي يكون للمنتدي المصداقية والفاعلية اكثر في رفع روح المقاومة

شاطر | 
 

 خطر ماضى شيّط فى الريق** شعر...عبد المولى زيدان

اذهب الى الأسفل 
كاتب الموضوعرسالة
غربة في قلب الوطن
مقدم
مقدم


عدد المساهمات : 124
نقاط : 2562
السٌّمعَة : 9
تاريخ التسجيل : 30/10/2011
العمر : 106

08112011
مُساهمةخطر ماضى شيّط فى الريق** شعر...عبد المولى زيدان



خطر ماضى شيّط فى الريق**فوآن الضيق**بكيت وعزمى موش رقيق

خطر ماضى جاب الحبـــــــان **** اللى كـانوا يالاى اقراب

اصحاب مروّه اصحاب احسان****يصبولك من غير حساب

صناديد اجواد وفرســــــــــــان****تريس ونسوان وشيّـابْ

ولدهم يــــقرأ فى القـــران ****على شيخه ماشى مصواب

وفى وآن يــــــــشيّع لاذان ****يجى ســابق عند المـحـراب

شديد عزوم قــــــوى ايمـــان****امـــــــكرم باخلاق ولاداب

عطََا ربّى حكمــه والْســــان****ومـــــــايـــتبّع راى الكذاب

ومــــا يطــرى قــول البهتان****يتّبــع فى قــول الواهّــــاب

ابنيّتهم بالحشمــــه اتبــــان****الْمــــزيونه بلبس النّقــاب

على الـــدين اتـحـافظ باثقان**** اتقيم الليل اتـريـد ثـــواب

رضــيّت ولْــــدين وجيــران****عليــها ايــزّابــوا الخطّـاب

امربّيهــــــا فارس غـــيْران****على دينه ايـزكّى مــــا جاب

وماضى جاب حياة افــلان **** انعـــــدّه من خيرة لاصحاب

خذينا ايــام اســنين زمــان ****اليوم عدّا سيّــــبْنى غـــاب

تركْ فجوى وسط الوجــدان****تركلى فى كبدى منشـــــاب

تركلى هموم معــا لــحزان ****ترك جرح يسطّــــر ما طاب

ترك صــــــيته فى كل مكان****تركْ مـــــاضى دار انسحاب

الدنيا مــاليــهاش آمـــــان ****العـمر امسجــــلك فـــــكتاب

ان طال عمرك لازم فى وآن****يحودد للمــــــــــوته باسباب

الموت كاس بن ادم عطشان****اموتـــــــيله قرطوع شراب

القبر ينادى يا لانســــــــــــان****اوجوب ادخوله راهو باب

الدنيا فيها ما تطمــــــــــــــان**** وراك سؤال ايريد جـواب

وعينى بالدمعات امزان **الـــــــــدير دفيـــق**امشرقنى حـالى تشريق

ايامى دارنلى طوفــــــــان **بقيت غريـــق**بروحى موش معاى رفيق

خطر ماضى شيط فى الريق**فوآن الضيق**بكيت وعزمى موش رقيق

خطر ماضى جايب لجواد****اللّى كانوا دوم سخيّين

ايديهم عطّيات امــــداد****ايعينوا العابر والمسكين

وكانوا قيّامة ميعــــــاد****ابشيخ فقى فى علم الدين

ونذكرهم وآن الجــهاد****امـــــــدوّن تاريخه تدوين

وغاروا عالــوطن ولبلاد****هــــادوم اجدادك ليبيين

خذوها من برقه لَ تشاد****وفـــــاتوا غربه رقدالين

وخاضو عركة بير جراد****وجليانه فيهــــا صمْدين

الهانى خاضو باجتهاد ****المرقب خاضو ملتمـــــين

ومحروقه وشحات انداد****فعام واحد صفصاف كمين

فبونجيم وفى بن جــواد****القرضابيه وسوف الجين

وسى زلى خاضوا لجداد****وقصر الحجره وتارسين

القلعه ولبويرات اشْهاد****وبيرالعصمه ليه اسنين

وسيدى السايح فيها جاد****وفى مسلاته زادوالدين

وصيف ومجمرفيهن صاد*****المعموره تحلف حطّين

وطلميته فيــــــها بداد****الدم مع لايطــــــالـــــــــــين

وبانو هالطليان اوغــاد****ف راس القلعه مذعورين

وشافوا ست ايام سواد****اكعام فيهـــــــــا قدام العين

ف تاورغا بانو لاســــياد****وفى ودان المستـــــمتين

وكانوفالمحجوب اسْداد****وخاضوحتى حاسى حسين

عدوّه فى لــــبريقــه راد****فعين زاره وفى النخلتيــن

ودارولــــــه عدّه واعتاد****ورفضوا يكونوا محتلّين

وعدّتهـــــم بالله اشداد****ازّابوا فوق قصير القيــن

اكحيلى كنهو صار اعناد****الدّير ايجزّى فيه اثنين

امفاتيح انعاله قنّــــــاد****واره ايطرطشـهـن لا وين

صهيله فى العركه يزداد****يزلزل سابع لاراضيــن

ويقدح فى وآن الملهاد****التـــــربه يمّيلها والطّين

وسيده فوقه بلمرصـــاد****بجــرده كان صارالتّكفين

الشّنه مايسيبها عــــاد****اعمــامه رابط فوق جبين

الركبه رابطه بقيــــاد****ابخطّــه راسمها ف الحين

اموجه بنــدقته قصّــــاد****عدو امقابل مرصوفــــين

امجــهزصبعه فوق ازناد****ايشـاره يرجا مـ لّخـرين

ابصيغه لايشاره وانشــاد****ابجنه مرحبْ يا حــيّين

وجتْ تدّنّا بــاستشهـــاد****المولى باذنه منتصـرين

ع للّه داروا لاعتمــــاد****وطلعو بزغريت نسـاوين

الْتحموا لين ابقيه رماد****امخلّف من نار الصّفّـين

عدوّا انهــدّوا كى الجراد****وهمّا كى حوم الشّاهيـن

وما اتقول العهد اللى باد****هـادومْ هُمّا المُجاهدين

مثيل ال طارق بن زيـاد****هـادوم مثيل صلاح الدين

هدوم همّا يزيحو لانكاد****يخشّو للنار برجلــــــــين

ونالوا من ربى المـــــراد**ابْهـــــــــــم ايليــــق**مراتب نالوا بالتوفيق

عطــــاهم مولانا الجــوّاد**الْســــان طلـــيق**بحكــمه للشر مغاليق

خطر ماضى شيط فى الريق**فوآن الضيق**بكيت وعزمى موش رقيق

خطر ماضى جايب تذكار****وجايب مطرا عين الطير

وجايبها هاديــك الــــدار****اللى هلها اجواد مشـاهير

انفتحت للضّيف وللجار****ويطلع منها دوم الخيـــــر

وفيها ماتطفاش النـــار****وفيــها شبعان الفقيـــــــر

أمْبنية بالطين ولحجــار****بصنّور وليف وتحضيـــر

الْتمّــو فيها اكبارصغار**** ابلقمة حلال و ضميــــــر

امعاهم ديمه ما تحتـــار****الكســر يديروله تجبيـــر

وفيها موجود الفنــــــار****فتيله تخليها تنــــــــــوير

عـزوز فيـها اتجلّى لكدار****اللى كــانت تورد عالبير

اتعبى فى جَرّة فخّــــــار****بــدلو امحــدرته تحـــدير

بحبل ويسحب فيها احمار****مجَرْداروله حدْ السـير

اتجيب امّيّه مــــ الّفجار****وزيت الزيتونه فى الزير

التطيب بيهن للخطّــــــار****ودارت للضّيف مقاديــــر

وتحصد فيه الزرع انذار**** تهاجى واتقـــــول قذاذير

تحطّـــب واتسند عالنار****الخبزه فى التنّور الدّيــــر

ضناها مايرضوا بالعار****فـــــــ بومليانه داروا دَير

وقاموا فى وادى دينار****ف بيرالتركى زحـــام كبير

وخاضوها عركــــة لابيار****وبير مداكــم ليه انشير

وخاضو فى الشّاطى آقار****ف سى رافـع دوّا قزير

فغوط الديس عليك نهار****فــــ قرقارش فكّو لاسير

فراس غزال خبر ماصار****فقصر حمد اصوات زئير

ف طولون وبير النقّــــار****وفى تقرفت الحال خطير

وخلوا الطليانى منهـــــار****يخطط يفشل م لاّخيـــر

بشيخ اسمه عمر المختار****ابّاروده فوق القنتير

امْعسكر بيهم ناس اخيار****بخبره وبحكمه وتدبير

يقيموا من ساعة لفجار****ولايهابوا قصف وتفجير

وما يجيبوا للحق اعذار ****يخشوا للحـــرب بتكبير

افْوآن اجله تمْ المشوار****على ايديهم مكتوب يصير

وتمْ اعدامه وسط اجهار****وخلّى العالم فى تحيِيـــر

عطاه الطليـــانى مقدار****عطاه التّحيه ابْتشكــــــير

وصيته واصل بافتخار****ف ميلانو امسطّر تسطير

وفى روما داراستقرار****وف امريكا وكندا وكشمير

وفى برليـن وفى داكار****وبكين وحتى زائيـــــــــــر

مع جنوده فرسان احرار****الْهم صيت معطّــر تعطير

هدوم همّا اسياد النقمار****هدومه كى العسل فِالْقير

ابْمنهجم عالـدين مسار****عزيمه م ربى الستـــــــير

وخطّرهم ماضى يا دار****اللى كانوا دوم مغـــــاوير

الله الله شنهو اللى صار****اليــوم عونك دايرتغيِِِيــــر

اليوم فيك الصّاعد لغبار****بعد كنتى فخْيار الـــــخير

وصرتى للبومه مـوكــار****خلا خالى بصْوات صفير

القيت كتيبه عالجّــــدار****ابْألفاط وفيهن تحقيــــــر

بتوقيع وختم العقـــــار****ايزاله لى غرض التطوير

دموعى انْهدّن كى لمطار****منين شفت علان التدمير

الله الله مات اللى يغار ****عليـكى يادار بتكشيــــــر

ونختم قوللى بختصــار****صـلاتى عالهادى البشير

صـراحه مانى مــ الشّعّار****انجيــب كلامى للتدكيـر

ابماضى خلالى لقهار**معاد انطيــــــــــــق**انجيبه لحظه بالتشويق

اليوم دمعى منه جرّار**معا تشهيــــــــــــق**امداير فى قلبى تحريق

خطر ماضى شيط فى الريق**فوآن الضيق**بكيت وعزمى موش رقيق


******************************************
*****************************
****************
******


وهذه تواريخ ما ورد من معارك في القصيدة:
==================
معركة أبو مليانة ( طرابلس ) يوم 9 من شهر 10 1911
معركة جليانة ( بنغازي ) يوم 19\20 من شهر 10 1911
معركة الهاني ( طرابلس ) يوم 23\26 من شهر 10 1911
معركة المرقب ( الخمس ) يوم 23 من شهر 10 1911
معركة عين زارة ( طرابلس ) يوم 28 من شهر 1 عام 1912
معركة بئر التركي ( طرابلس ) يوم 4 من شهر 3 عام 1912
معركة النخلتين ( بنغازي ) يوم 12 من شهر 3 عام 1912
معركة كمين صفصاف ( شحات ) يوم 1 من شهر 7 عام 1913
معركة سيدي رافع ( بيضاء ) يوم 26\27 من شهر 9 عام 1913
معركة محروقة ( براك ) يوم 24 من شهر 12 عام 1913
معركة شحات ( جبل الاخضر ) يوم 28 من شهر 6 عام 1913
معركة طلميثة ( المرج ) يوم 19 من شهر 4 عام 1914
معركة ودان ( ودان ) يوم 15 من شهر 1 عام 1915
معركة أبو نجيم ( سرت ) يوم 8 من شهر 2 عام 1915
معركة طولون ( جبل الاخضر ) يوم 11 من شهر 2 عام 1915
معركة قرضابية ( سرت ) يوم 28\29 من شهر 4 عام 1915
معركة زاوية المحجوب ( مصراتة ) يوم 3 من شهر 5 عام 1915
معركة بويرات ( ترهونة ) يوم 18 من شهر 5 عام 1915
معركة غوط الديس ( عجيلات ) يوم 3 من شهر 5 عام 1917
معركة مجمر ( سواني بني ادم ) يوم 20 من شهر 9 عام 1917
معركة معمورة ( زاوية ) يوم 6 من شهر 10 عام 1918
معركة راس القلعة يوم 8 من شهر 2 عام 1919
معركة قصر أحمد ( مصراتة ) يوم 26 من شهر 1 عام 1922
معركة سيدي السائح يوم 2\4 من شهر 5 عام 1922
معركة بئر جراد ( زاوية ) يوم 6 من شهر 10 عام 1922
معركة بئر مداكم ( عزيزية ) يوم 27 من شهر 10 عام 1922
معركة صيف ( يفرن ) يوم 31 من شهر 19 عام 1922
معركة قصر الحجرة ( غريان ) يوم 5 من شهر 2 عام 1923
معركة وادي كعام ( زليطن ) يوم 23 من شهر 2 عام 1923
معركة المشرك ( مصراتة ) يوم 4 من شهر 5 عام 1923
معركة بريقة ( اجدابية ) يوم 11 من شهر 6 عام 1923
معركة سيدي زلي ( زليطن ) يوم 9 من شهر 10 عام 1923
معركة وادي دينار يوم 27 من شهر 12 عام 1923
معركة قصر طولون ( جبل الاخضر ) يوم 7 من شهر4 عام 1924
معركة تارسين يوم 26 من شهر5 سنة 1925
معركة بئر العصمة ( غدامس ) يوم 9 من شهر4 سنة 1926
معركة قرقارش يوم 18 من شهر 1 سنة1928
معركة بئر تاقرفت يوم 25 من شهر 2 سنة 1928
معركة بئر النقار ( جبل الاخضر ) يوم 13 من شهر 4 سنة 1929
معركة اقار الشاطئ يوم 3 من شهر11 سنة 1929
معركة راس غزال ( طرابلس ) يوم 28 من شهر1 سنة 1930
معركة حاسي حسين ( اوجلة ) يوم 11 من شهر سنة 1911
الرجوع الى أعلى الصفحة اذهب الى الأسفل
مُشاطرة هذه المقالة على: diggdeliciousredditstumbleuponslashdotyahoogooglelive

خطر ماضى شيّط فى الريق** شعر...عبد المولى زيدان :: تعاليق

avatar
رد: خطر ماضى شيّط فى الريق** شعر...عبد المولى زيدان
مُساهمة في الثلاثاء نوفمبر 08, 2011 11:41 pm من طرف برنس.الصحراء
وعينى بالدمعات امزان **الـــــــــدير دفيـــق**امشرقنى حـالى تشريق

ايامى دارنلى طوفــــــــان **بقيت غريـــق**بروحى موش معاى رفيق

خطر ماضى شيط فى الريق**فوآن الضيق**بكيت وعزمى موش رقيق

 

خطر ماضى شيّط فى الريق** شعر...عبد المولى زيدان

الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
وطني ليبيا :: المنتديات العـــــــــــــــــــــــــــــــــامة :: منتدى الشعر الشعبي في ليبيا :: قسم الشعر الشعبي الوطني-
انتقل الى: