وطني ليبيا
اهلاً بالزائر الكريم يشرفنا ان تكون اخد اعضاء منتدانا لدعم الشعب العربي الليبي لمواجهة الاحتلال flag flag
كما نحب ان ننوه ان هنالك اقسام بالمنتدى لا يمكن رؤيتها الا للأعضاء المسجلين فقط




تجمع الليبيون الاحرار تحت قيادة ابومنيار
 
الرئيسيةس .و .جبحـثالتسجيلدخول
لقد كانت القوائم السوداء احدى اسلحة الجرذان التي استعملوها في تمردهم وقد ادت عملها في المجتمع بشكل كبير فالشخص الذي وجد اسمه في تلك القوائم اصابه الرعب هو وأسرته ومنهم من اضطر للهرب على الرغم من ان القليل ممن كانوا على تلك القوائم تم القبض عليهم ولكن بمجرد ان قبض عليهم او تم استهدافهم اعطوا هذه القوائم مصداقية ومفعول كبير في خلخلة الاسر الليبية المؤيدة . وأتمنى ان يتم تكوين هذه القوائم ونشرها على الملا لتصل الى علم الجرذان والخونة انفسهم وسوف نحصد منها نتائج كبيرة ان شاء الله
نأمل من الاخوة الاعضاء التأكيد قدر المستطاع على مصداقية مصدر الاخبار حتي يكون للمنتدي المصداقية والفاعلية اكثر في رفع روح المقاومة

شاطر | 
 

 منتصرين=ولكن شهادة بيك مفتخرين يا صقرنا والله؟!.....شعر ناجي الترهوني

اذهب الى الأسفل 
كاتب الموضوعرسالة
غربة في قلب الوطن
مقدم
مقدم


عدد المساهمات : 124
نقاط : 2562
السٌّمعَة : 9
تاريخ التسجيل : 30/10/2011
العمر : 106

مُساهمةموضوع: منتصرين=ولكن شهادة بيك مفتخرين يا صقرنا والله؟!.....شعر ناجي الترهوني   الأربعاء نوفمبر 02, 2011 8:24 pm

منتصرين=ولكن شهادة بيك مفتخرين

يا صقرنا والله؟!.

الحق اخترنا=وبتجارب قديمة واضحة اعتبرنا.

خيارين بيهن ربنا خيرنا=شهادة ونصر اليوم مختارين.

ف أحلك ظروف الحرب زاد صبرنا=وبكتاب ربنا والشرع مستقوين.

وكيف ما بماضي أجدادنا افتخرنا=ايجي جيل يذكرنا بكل حنين.

لآجل بلاد العز ما دمرنا=ولا تنكتب في الكتب خوانين.

هذا خيار أشراف واحنا اخترنا=وبعون رب العرش منتصرين.

انردوا الأمجاد وينجبر خاطرنا=وزاد نجبروا خاطر المكسورين.

وانردوا الصاع أضعاف لو اضطررنا=وانردوه كيل الظلم مكيالين.

@@@

يا قذافي=الله يرحمك يا بو الحضن الدافي.

ما يوجعك والي قريب مجافي=وباعك لزمرة كفر خوانين.

وحق الجلالة الحق يورد وافي=وكيف ما أمرت انوقّفوا صامدين.

شباب وصبايا طلبهم متكافي=يبّوه ثارك يا زعيمي لين.

ترجع انشوفك جد هك اصدافي=وانقولك يا رمز كاين وين.

إنت لْنا بلسم وطبّاً شافي=وإنت أسباب الفرح والتكوين.

وإنت ربيع الدار يا قذافي=بعد غيبتك عندي اليوم سنين.

@@@

يا سيد السبيب=غيابك علينا راه شيء صعيب.

يا بو عباية مخضبة تخضيب=يا رمزنا يا صقرنا الامين.

يا فخر كل الكون ، طب وطيب=يا اللي لصوتك راه مشتاقين.

نهار فرقتك تمّه اعوا ونحيب=شباب وصبايا الكل مصدومين.

وحق النبي عهداً علينا انجيب=ثارك ولو طال الزمان اثنين.

لعند يتعبى راسنا بالشيب=ويفنوا اللي اسماهم الخوانين.

وما ينكتب مرة علينا العيب=ولهول الوغى نحنا الحمالين.

@@@

ما نرضوا بذل=طيور أحرار مانا اللي حجل.

عصارى دوم طارينا وصل=لأقصى الاراضي وروسيا والصين.

وما يهمّنا خاين علينا طلّ=وجاب للوطن زمرة يهوديين.

وما يكيدنا تافه ولا مختلّ=يفخر إنّ خاين ومالهْ دين.

اللي حاطين السمّ فوق عسل=واليوم بالخيانة زاد مفتخرين.

وجابولنا غازي يبي يحتل=وقالوا إنْها فتوة شيوخ الدين.

واليوم هالناتو يبي ينزل=ايدير قاعدة يحمي المدنيين.

@@@

وحق النبي انجيبوها=وانردوا أساطيل العدو نفنوها.

ونحموا شرف البلاد ما انهونوها=ويرجعلنا ماضي صلاح الدين.

وفي مزبلة تاريخهم نرموها=وانسطروا الامجاد مفتخرين.

وما نرضخوا للذل لا انبيعوها=هذي ليبيا لينا الليبيين.

وعيون الحسود العهد نقتلعوها=ونبتر أيادي الكفر والتلوين.

ويقولوا أشبال الصقر اللي جابوها=وشقوا دميس الجمر حفيانين.

ونبنوا الوطن أفراحنا انقيموها=وبعون رب الكون منتصرين.
الرجوع الى أعلى الصفحة اذهب الى الأسفل
أنا ليبي
ملازم اول
ملازم اول


عدد المساهمات : 41
نقاط : 2363
السٌّمعَة : 2
تاريخ التسجيل : 01/11/2011
العمر : 27
الموقع : الجماهيرية العظمى

مُساهمةموضوع: رد: منتصرين=ولكن شهادة بيك مفتخرين يا صقرنا والله؟!.....شعر ناجي الترهوني   الأربعاء نوفمبر 02, 2011 9:52 pm

يا رب
الرجوع الى أعلى الصفحة اذهب الى الأسفل
 
منتصرين=ولكن شهادة بيك مفتخرين يا صقرنا والله؟!.....شعر ناجي الترهوني
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
وطني ليبيا :: ارشيف القائد معمر ابومنيار القذافي :: ما قيل في رثاء القائد شعراً ونثراً-
انتقل الى: